Amarica ne sabhi desho se kiya Request, North Korea se khatm kare sambandh

Washington: Amarica ne sabhi desho se North Korea ke sath rajnayik aur vyaparik sambandh samapt karne ka aagrah kiya hai. North Korea dvara hal hi me kiye gaye ballistic misail parikshan ke bad yah kadam uthaya hai. Sayukt Rashtra Suraksha Parishad me Amaricake rajdut Nikki Haley ne kaha ki rashtrapati Tramp ne chini samak se North Korea ko di jane vali Tel aapurti band karne ko kaha hai.
Haley ne kaha ki Amarica yuddh nahi chahta. yadi yuddh hua to North Korea puri tarah se nasht ho jayega. North Korea dvara lagbhag do mahine bad misail parikshan ke bad yah chetavni di gayi hai. North Korea ne dava kiya tha ki budhwar ko dagi gayi misail lagabhag 4,475 KM ki uchai tak gayi lekin visheshgyo ne North Korea ke en davo par sandeh jataya hai. North Korea ke sarvoch neta Kim Jong-un ne es parikshan ko bejod aur saphal bataya hai.

Haley ne kaha ki jarurat hai ki chin es disha me adhik kadam uthaye. rashtrapati Tramp ne guruwar ko Xi Jinping se bat ki aur unhe bataya ki ab ham aise mukam par khade ho gaye hain, jahan chin ko North Korea ke sath vyaparik sambandh samapt karne chahiye.