Thane: badhti mahegai aur vibhinn muddo par asafal hui Rajya Sarkar ke virodh me Thane NCP ne somwar ko hallabol morcha nikala. Kalva Mumbra ke NCP vidhayak Dr.Jitendra Awhad tatha Thane shahar NCP adhyaksh Aanand Paranjpe ke netriatv me nikale gaye morche men hazaro log shamil huve. morcha Gadkari Rangayatan sabhagrah se shuru ho kar Thane Jilhadhikari Karyalay par khatm hua.
NCP padadhikariyo ne Thane Jilhadhikari Karyalay ke samaksh zordar pradarshan kiya aur Rajya Sarkar ke khilaf jamkar narebaji ki. NCP ka aarop hai ki Mahegai, Kisan aatmahatya, Maratha-Dhangar-Muslim aarakshan ityadi sabhi muddo par Rajya ki BJP Sarkar asafal hui hai aur aam logo ki samasya badhi hai. Dr. Jitendra Awhad aur Aanand Paranjpe ka aarop hai ki Rajya sarkar ne 25 November tak kisano ke Bank khato me karj mafu ki rashi jama karane ki ghoshna ki thi, lekin kisano ko abhi tak unke rupye nahi mil paye hain. esse Rajya ke kisano me asantosh vyapt hai. eske alava pichle 3 salon me Mahegai ne pichle sabhi record tod diye hai. Petrol, Gas, Anaj, Sabji ke bhav aasman chune lage hai. kisano ko unka uchit muly nahi mil raha hai. Rajya sarkar ne Dhangaro, Maratha samaj tatha Muslim samaj ko aarakshan dene ka aashvasan diya tha, lekin unka yah aashvasan khokhla sabit hua hai.
halla bol morche ke dauran naraz NCP karyakartao ne virodh svarup apne hatho me hari sabjiya aur Dudh ke Dabbe le rakhe the. morche men Manpa virodhi paksh neta Milind Patil, Nagarsevika Radhabai Jadhavar, Anita Kine, Moreshvar Kine, Zafar Nomani, Sunita Satpute, Rashtravadi congress mahila adhyaksha Karina Dayalani, yuva adhyaksh Mandar Kine, Vidyarthi congress adhyaksh Abhijit Pawar aur hindi bhashik sell ke adhyaksh Prabhakar Sinh maujud the.
No comments:
Post a Comment