Fire adhikari Hari Shetti ne bataya ki ghatna me 7 logo ko bacha liya gaya hai. halaki aag lagne ke karno ka pata nahi chal paya hai....
Mumbai: sal 2017 jate-jate Mumbai ko gahra aaghat de gaya. Mumbai ke Kamla mills Compound me lagi aag ki ghatna ko abhi 1 saptah bhi nahi huve the ki Mumbai ke hi Marol Charch rod par phir se ek Building me aag lag gai.
aag Building ki 4th manzil par lagi thi. Police ke mutabik, guruwar ko subah ke samay Marol charch road par Bulding men aag lag gai jiski chapet me aane se 2 bachcho sahit 4 logon ki maut ho gai. eske alava 5 our gambhir rup se ghayal ho gaye.
Fire adhikari Hari Shetti ne bataya ki ghatna me 7 logo ko bacha liya gaya hai. bataya ja raha hai ki sabhi mauten dam ghutne se hui hai. unhone bataya ki aag lagne ke 45 minat ke bhitar aag par kabu paya gaya.
ghatna ko lekar janch shuru kar di gayi hai. Fire adhikari ne bataya ki, Mumbai fire briged ko 2.10am baje aag ki ghatna ke bare me jankari di gayi. jabaki 2.34am baje tak agnishaman vyavastha aur Ambulance ke sath agnishaman karmchari vahan pahuch gaye.
unhone bataya ki kul 9 log es aagajni ki ghatna me ghayal huve hai. mriatko ki pahchan Sakina Kapasi, Mohin Kapasi, Taslim Kapasi aur Daud Kapasi ke rup me hui hai. ghatna ke karno ka pata nahi chal paya hai mamle ki janch ke aadesh de diye gaye hai.
No comments:
Post a Comment